საზოგადოება

საბრძოლველადაა განწყობილი – ელენე ხოშტარიამ ირაკლი ოქრუაშვილი მოინახულა

“ევროპული საქართველოს” წევრმა, ელენე ხოშტარიამ, “მატროსოვის” ციხიდან გამოსვლის შემდეგ განაცხადა, რომ ირაკლი ოქრუაშვილი საბრძოლველადაა განწყობილი.

„ყველას კარგად უნდა ესმოდეს, პირველ რიგში ბიძინა ივანიშვილს, რომ ყოველი დღე პოლიტპატიმრების ციხეში ყოფნის, არამხოლოდ თავად ირაკლი ოქრუაშვილის, არამედ ყველა იმ ადამიანის, ვინც გავრილოვის ღამეს დაიჭირეს, ძვირად დაუჯდება ამ ხელისუფლებას. ეს არის ის პოსტსაბჭოთა მეთოდები, რომელიც არ მთავრდება ხელისუფლების სასარგებლოდ. უსამართლობა ყოველთვის საბოლოო ჯამში ურტყავს უკან ისევ ხელისუფლებას.

აბსოლუტურად ცხადია, რომ ყველა ადამიანი, ვინც დღეს ციხეშია, 17 ადამიანი, ბიძინა ივანიშვილის ხელისუფლების მძევლები არიან, რომელმაც არათუ არ დასაჯა, ვინც ჩაიდინა უკანონობა და ძალადობა, დააწინაურა ისინი და უბრალოდ ადამიანი აიყვანა მძევლებად“, – განაცხადა ელენე ხოშტარიამ.

ხოშტარიას თქმით, მისთვის მნიშვნელოვანია ჰქონდეს კომუნიკაცია 20-21 ივნისის საქმეზე დაკავებულ ადამიანებთან.

მეტი

მსგავსი სიახლეები

Back to top button
Close