სამართალი

ამ წუთებში 3 წლის ბავშვის დაჭრაში ბრალდებულის სასამართლო მიმდინარეობს

თბილისში, პეკინის გამზირზე მცირეწლოვანის დაჭრაში ბრალდებულის მიმართ სასამართლო აღკვეთის ღონისძიების შეფარდებაზე მსჯელობს. ბავშვის დაჭრისთვის დაკავებულის მიმართ ბრალდების მხარე აღკვეთის ღონისძიების სახით პატიმრობის გამოყენებას ითხოვს. ასევე ბრალდების მხარე აცხადებს, რომ დაელოდება ბრალდებულის მიმართ დანიშნული სამედიცინო ექსპერტიზის პასუხებს, რის შემდეგაც, ამ დასკვნაზე იქნება ბრალდების მხარის პოზიცია შემდგომ სამართლებრივ საკითხებთან დაკავშირებით.

საქმის პროკურორის გრიგოლ ნიშნიანიძის განცხადებით, დაკავებული დუმილის უფლებას იყენებს.

ამასთან, დაკავებულის ადვოკატი ალექსი გაბუნია მისი დაცვის ქვეშ მყოფის მიმართ სისხლის სამართლებრივი დევნის შეწყვეტას ითხოვს. ადვოკატის განცხადებით, დაკავებულის ფსიქიკური პრობლემების გამო, მის მიმართ აღკვეთის ღონისძიებად პატიმრობა არ უნდა იყოს გამოყენებული და არასაპატიმრო ღონისძიების შემთხვევაში, ის სტაციონარში იქნება გადაყვანილი.

დაკავებულს ბრალი ოფიციალურად გუშინ წაუყენეს. მას საგამოძიებო უწყება სამი წლის ბავშვის ჯანმრთელობის განზრახ მძიმე დაზიანებასა და განზრახ მძიმე დაზიანების მცდელობას ედავება.

თბილისში, პეკინის გამზირზე მცირეწლოვანს ბასრი საგნით დაზიანებები 27 აგვისტოს მიაყენეს. ბავშვი მშობლებთან ერთად იმყოფებოდა, როდესაც თავდასხმა მოხდა. თავდამსხმელი ქალი იყო და შემთხვევის შემდეგ ადგილიდან მიიმალა, თუმცა, მოგვიანებით პოლიციამ დააკავა.

1tv

მეტი

მსგავსი სიახლეები

Back to top button
Close