ეს საინტერესოა

„ჩვენი ქართული ენა“ – ახალი პროექტი აზერბაიჯანულენოვანი და სომხურენოვანი სკოლების მოსწავლეებისთვის

საქართველოს პირველი არხის ახალ პროექტში, „ჩვენი ქართული ენა“ ჩართვის მსურველების რეგისტრაცია მიმდინარეობს.
„ჩვენი ქართული ენა“ არის საქართველოს პირველი არხის პროექტი, რომელიც ქართული ენის პოპულარიზაციას ისახავს მიზნად. პროექტის ფარგლებში, არაერთი აქტივობა არის დაგეგმილი.
პირველი არხის ახალი პროექტის ფარგლებში, არაქართულენოვანი სკოლების მოსწავლეები ქართული ენის ონლაინ-ოლიმპიადაში და სხვა აქტივობებში მიიღებენ მონაწილეობას.
პროექტის ერთ-ერთი ნაწილია საქართველოს რეგიონებში არაქართულენოვანი სკოლებისთვის ქართული ენის ონლაინ ოლიმპიადის ჩატარება. წელს პროექტი ამერიკის შეერთებული შტატების საელჩოს მხარდაჭერით ხორციელდება. წელს ონლაინ ოლიმპიადაში მონაწილეობა არაქართულენოვანი სკოლების მეშვიდე კლასის მოსწავლეებს შეუძლიათ. პროექტის თითოეულ მონაწილეს მონაწილეობის დამადასტურებელი სერტიფიკატი გადაეცემა. ხოლო სამი გამარჯვებული დაჯილდოვდება პრიზებით. ასევე, დაჯილდოვდებიან გამარჯვებული მოსწავლეების ქართული ენისა და ლიტერატურის მასწავლებლებიც.
აზერბაიჯანულენოვანი და სომხურენოვანი სკოლების მოსწავლეებისთვის ონლაინ ოლიმპიადისთვის რეგისტრაცია 11 მაისს დაიწყო.
პროექტის ფეისბუქ გვერდზე – „ჩვენი ქართული ენა“ – პერიოდულად ვიქტორინები გაიმართება. დასმულ კითხვაზე სწორად გაცემული პასუხის შემთხვევაში, არაქართულენოვანი სკოლის მოსწავლეები მოიგებენ წამახალისებელ საჩუქრებს.
დაგეგმილია აქტივობა, თავისუფალი თემის დაწერა სათაურით „ჩვენი ქართული ენა“.
ამასთან, საქართველოს პირველი არხი – განათლების ეთერში, „ტელესკოლაში“ აზერბაიჯანულენოვანი და სომხურენოვანი სკოლების მოსწავლეებისთვის ქართული ენის გაკვეთილები უკვე რამდენიმე კვირაა, მიმდინარეობს.

მეტი

მსგავსი სიახლეები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Back to top button
Close