მთავარი»სამართალი»„სადისტივით ექცეოდნენ, ცემით მოკლეს“ – რა გახდა იტალიაში ქართველი ემიგრანტის გარდაცვალების მიზეზი?

„სადისტივით ექცეოდნენ, ცემით მოკლეს“ – რა გახდა იტალიაში ქართველი ემიგრანტის გარდაცვალების მიზეზი?

7
გაზიარებები
Pinterest Google+

იტალიაში, გრადისკას სადეპორტო დაწესებულებაში 36 წლის ქართველი ემიგრანტი ვახო ჯოხაძე გარდაიცვალა. საქართველოს საგარეო სამინისტროს მიერ გავრცელებული ინფორმაციით, საქართველოს მოქალაქის დაღუპვის მიზეზად გულის შეტევა დასახელდა, თუმცა არის სხვა ვერსიებიც.

ერთ-ერთი ვერსიით, ახალგაზრდა პოლიციელებმა ცემით მოკლეს. ინფორმაციას ამის შესახებ სოციალური ქსელის მომხმარებელი ანა ბუიგლიშვილი ავრცელებს. იგი წერს, რომ ბიჭმა მეგობართან დარეკვა მოასწრო და უთხრა, რომ ნაცემი იყო.

“გუშინ იტალიაში სადეპორტოში ვახო ჯოხაძე პოლიციელებმა ცემით მოკლეს. მან მოასწრო დაერეკა მეგობრისთვის და ეთქვა რომ ძალიან ნაცემი იყო. 10 კარაბინიელი მუცელში ურტყამდა შემდეგ გვინ ცუდად გამხდარა და სასწრაფოთი გადაუყვანიათ თუმცა გარდაიცვალა” – წერს ანა ბუიგლიშვილი.

ჯგუფში “ქართველი ემიგრანტები” გარდაცვლილის შესახებ წერენ:

“მოკლეს ქართველი იტალიაში ვახო ჯოხაძე 36 წლის — ტრაგედია იტალიაში – იტალიელმა პოლიციელებმა სადეპორტო ცენტრში ქართველი ახალგაზრდა 36 წლის ვახო მოკლეს
გორიციას სადეპორტოში. ძალიან გთხოვთ გაავრცელეთ ეს ამბავი სიტყვები არ მყოფნის ეს რამხელა ტრაგედია დატრიალდა არ ვიცი საიდან დავიწყო და რა გითხრათ გთხოვთ გაავრცელეთ ეს ამბავი რომ მოგვაქციონ ყურადღება ჩვენც ადამიანები ვართ…

“შოთო სიხარულიძე: ქარველი ემიგრანტები” ღრმა მწუხარებას გამოთქვამს თანაუგრძნობს და სამძიმარს უცხადებს ვახოს ოჯახს.

3 თვე სადეპორტოში იყო ვახო. იხვეწებოდა, მე ვიყიდი ბილეთს და წავალოოო. დღეს არ დაუდასტურეს საელჩოს წარმომადგენელს, რომ მკვდარი იყო მთელი დღე რეკავდნენ და ხვალიდან მიხედავენ,გასკდა გული გასკდააა, გათიშეს ისეთი რაღაც დაალევიეს ცუდათ ვარო იძახდა მთელი დღეეე.

საელჩო დაგვიდგა გვერდით რაც შეეძლო ინფორმაციას გვაწოდებდა, სადისტივით ექცეოდნენ გაამწარეს ტელ მოპარეს და რომ მოიძებნა საცოდავმა აღარ იყო და რომ მოითხოვა ტელე ცემეს ნაძირლებმა, მისცეს ტელ და მეორე დღეს ახალი ტელ მისცა უფროსმა და თან ცემით მოკლეს, სახაზინო ადვოკატმა რომ დაიცვა და გაამართლეს ვახო ვეღარ აიტანეს და სხვა ადვოკატი ყავდა გუშინ, მოითხოვა ის ადვოკატი და საღამოთი ცემეს და მოკლეს”-წერენ სოციალურ ქსელში.

RaiNews-ის ცნობით, 14 იანვარს გრადისკა დ’იზონცოს მიგრანტთა ბანაკში სხვადასხვა ეროვნების მიგრანტებმა იჩხუბეს. სამართალდამცველებმა ისინი გააშველეს, კონფლიქტში მონაწილეები კი, დააკავეს. მათ შორის იყო ვახო ჯოხაძეც. ციხეში ქართველი შეუძლოდ გახდა და ის ჰოსპიტალში გადაიყვანეს. 19 იანვრის ღამით მას გულის შეტევა დაემართა და დაიღუპა.

ჯერჯერობით გარდაცვალების ზუსტი მიზეზი დადგენილი არ არის. მიმდინარეობს გამოძიება.

წინა პოსტი

საქართველოს ტექნიკური უნივერსიტეტის მხცოვანი პროფესორის ისტორია

შემდეგი პოსტი

ამერიკული ფარმაცევტული კომპანია ვადაგასულ მედიკამენტებთან დაკავშირებით განცხადებას ავრცელებს