მთავარი»საზოგადოება»მგზავრები არ დაშავებულან – საქართველოს რკინიგზა განცხადებას ავრცელებს

მგზავრები არ დაშავებულან – საქართველოს რკინიგზა განცხადებას ავრცელებს

6
გაზიარებები
Pinterest Google+

ზუგდიდი-თბილისის სამგზავრო მატარებლის ერთ-ერთ ვაგონში დაკვამლიანებასთან დაკავშირებით საქართველოს რკინიგზა განცხადებას ავრცელებს.

როგორც რკინიგზის ინფორმაციაშია აღნიშნული, სადგურ აბაშაში, ზუგდიდი-თბილისის ხაზზე მატარებლის პანტოგრაფსა და საკონტაქტო ქსელზე მოკლე ჩართვამ გამოიწვია სამგზავრო მატარებლის ერთ-ერთი ვაგონის დაკვამლიანება.

„შემთხვევის შედეგად შეჩერდა მსვლელობა და განხორციელდა მგზავრების დანიშნულების ადგილამდე ტრანსპორტირება ალტერნატიული საშუალებებით. არც ერთი მგზავრი არ დაშავებულა. შემთხვევაზე მიმდინარეობს მოკვლევა.

„საქართველოს რკინიგზა“ ბოდიშს გიხდით შექმნილი შეფერხების გამო და ყველა იმ პირს ვინც ორი დღის ვადაში წარადგენს სამგზავრო დოკუმენტს, „საქართველოს რკინიგზის“ ნებისმიერ სალაროში მგზავრობის თანხა სრულად აუნაზღაურდებათ“, – აცხადებენ საქართველოს რკინიგზაში.

წინა პოსტი

ჩრდილოეთ კორეაში კორონავირუსით დაინფიცირებული ჩინოვნიკი დახვრიტეს

შემდეგი პოსტი

ზურაბ დათუნაშვილმა ჟურნალისტს სიტყვიერი შეურაცხყოფა მიაყენა - ჟურნალისტთა ასოციაცია საგანგებო განცხადებას ავრცელებს