მთავარი»Slider»ივანიშვილი „ოცნების“ სიის პირველი ნომერი იქნება

ივანიშვილი „ოცნების“ სიის პირველი ნომერი იქნება

10
გაზიარებები
Pinterest Google+

“ვფიქრობ ივანიშვილი „ოცნების“ სიის პირველი ნომერი იქნება. ნაკლებად რეალური მგონია ბიძინა ივანიშვილის ახლა პრემიერად მობრუნება, იმიტომ რომ საარჩევნო წელია. თუმცა ის, რომ საარჩევნო სიის პირველი ნომერი იყოს და მომავალ პრემიერად და მომავალი პროგრამით წარსდგეს ხალხის წინაშე, უფრო ლოგიკური მგონია. გამარჯვების შემთხვევაშიც, სწორედ მას ექნება გარკვეული ლეგიტიმაცია – ხალხის მხარდაჭერა. თუმცა ის მიდგომები, რაც დღეს „ქართულ ოცნებას“ აქვს – კულუარულად მრთვა- ეს დანარჩენი ცივილიზებული სამყაროსთვის აბსოლუტურად მიუღებელია და დამარცხების შემთხვევაში, „ოცნების“ ბევრი პირველი პირი ალბათ პასუხისგება მოუწევს, რადგან კორუფციული სქემები, ფულის მიტაცება… ეს ჩვეულებრივი ამბავი გახდა. მოკლედ, ჩემი ინფორმაციით, ივანიშვილი დღეს პარტიის გაძლიერებით არის დაკავებული, იმიტომ რომ, არჩევნებს პარტია იგებს და ის ხვდება იმ ადამიანებს, ვინც შემდგომში „საარჩევნო ველზე“ უნდა იმუშაოს ინტენსიურად და ვიზეც ფიქრობენ, რომ „ ოცნების“ შემავსებელი ახალი სახეები გახდებიან. გახარიას გადაყენების შემთხვევაში კი, ვფიქრობ პრემიერად უფრო ნეიტრალური ფიგურას დანიშნავს, საარჩევნო სიასთან, გუნდთან დაკავშირებით საკუთარი პრეტენზიები რომ არ წააყენოს. ასე რომ, საარჩევნოდ, შიდა დაპირისპირება „ქართულ ოცნებაში“ ალბათ კიდევ უფრო გაიზრდება, იმიტომ რომ, ყველა ხვდება, მხარდაჭერა ისეთი აღარ არის, როგორიც თუნდაც 2016 წელს. ამიტომ კვოტებზე და მაჟორიტარებზე „ბრძოლა“ იქნება გახარია კი დღეს მარტოა დატოვებული” – აცხადებს  დავით ჭიჭინაძე.

წინა პოსტი

"სპორტის მასწავლებელმა შენიშნა და შეგვატყობინა..." - შემთხვევა, რომელმაც 11 წლის ცოტნეს ცხოვრება შეცვალა

შემდეგი პოსტი

“არანაირი პრიზი არ ერგოთ, მხოლოდ პროქტოლოგის კონსულტაცია შერჩათ“