მთავარი»კულტურა»დავით ფირცხალავას ფილმი ლოკარნოს კინოფესტივალის პროგრამაში მეორედ მოხვდა

დავით ფირცხალავას ფილმი ლოკარნოს კინოფესტივალის პროგრამაში მეორედ მოხვდა

0
Shares
Pinterest Google+

რამდენიმე დღეში შვეიცარიაში, ლოკარნოს საერთაშორისო კინოფესტივალი საზეიმოდ გაიხსნება, სადაც ახალგაზრდა ქართველი რეჟისორის, დავით ფირცხალავას ფილმის მსოფლიო პრემიერა უკვე მეორედ გაიმართება. ინფორმაციას ეროვნული კინოცენტრი ავრცელებს.

დავით ფირცხალავა ლოკარნოს კინოფესტივალზე პირველად 2015 წელს წარსდგა მისი სადებიუტო ნამუშევრით „მამა“. ფილმი სექციაში Pardi di domani იყო ნაჩვენები და ფესტივალის ჯილდო „ოქროს ლეოპარდი“ მოიპოვა.

3 წლის შემდეგ, დავით ფირცხალავა ლოკარნოში ახალი მოკლემეტრაჟიანი ფილმით „საშლელი“ ბრუნდება, რომელიც ადრინდელის მსგავსად, კვლავ საკონკურსო სექციაში Pardi di domani იქნება წარმოდგენილი.

აღსანიშნავია, რომ Locarno Filmmakers Academy-მ სხვადასხვა ქვეყნიდან 19 ახალგაზრდა, წარმატებული რეჟისორი მიიწვია ლოკარნოს კინოფესტივალის ფარგლებში სხვადასხვა შეხვედრაზე და ღონისძიებაზე დასასწრებად.

რჩეულ რეჟისორებს შორის მოხვდა მარიამ ხაჭვანი. მარიამი ლოკარნოში მის ახალ პროექტს „ნენე“ წარმოადგენს. 3 აგვისტოს კი ACADEMY SCREENINGS მისი მოკლემეტრაჟიანი ფილმის „დონოლა“ ჩვენებას უმასპინძლებს.

ლოკარნოს კინოფესტივალი შვეიცარიის ქალაქ ლოკარნოში 1946 წლიდან იმართება და ცნობილია როგორც აღმოჩენების ფესტივალი, რადგან მრავალი კინორეჟისორის თუ მსახიობის წარმატებული კარიერა სწორედ ლოკარნოში დაიწყო.

წელს ფესტივალი 1-11 აგვისტოს გაიმართება.

წყარო: imedinews.ge

წინა სტატია

პატიმრის გაშიშვლების უფლებამოსილება საკონსტიტუციო სასამართლომ არაკონსტიტუციურად ცნო

შემდეგი სტატია

კვლევა: ყოველწლიურად საქართველოში, ნებაყოფლობით, 700-800 ადამიანი ბრუნდება

კომენტარები არ არის

დატოვეთ კომენტარი

თქვენი ელფოსტის მისამართი გამოქვეყნებული არ იყო.