მთავარი»სამართალი»„დავიკითხე პანკისის სპეცოპერაციასთან დაკავშირებით“ – სოსო გოგაშვილი პროკურატურაში დაკითხვას ადასტურებს

„დავიკითხე პანკისის სპეცოპერაციასთან დაკავშირებით“ – სოსო გოგაშვილი პროკურატურაში დაკითხვას ადასტურებს

7
გაზიარებები
Pinterest Google+

სახელმწიფო უსაფრთხოების სამსახურის უფროსის ყოფილი მოადგილე, სოსო გოგაშვილი გენერალურ პროკურატურაში მის დაკითხვასთან დაკავშირებით პირველ კომენტარს აკეთებს.

“ინტერპრესნიუსთან” საუბარში გოგაშვილი იმედს გამოთქვამს, რომ პანკისის ხეობაში ჩატარებულ სპეცოპერაციასთან დაკავშირებით გამოძიება მალე დასრულდება და ყველაფერს ნათელი მოეფინება.

ამასთან, გოგაშვილი აცხადებს, რომ საგამოძიებო უწყების კითხვებს პასუხი ორი თვის წინ გასცა.

“გიდასტურებთ, რომ დავიკითხე პანკისის სპეცოპერაციასთან დაკავშირებით დაახლოებით, ორი თვის წინ. იმედი მინდა გამოვთქვა, რომ მალე დასრულდება აღნიშნული გამოძიება”, – განაცხადა გოგაშვილმა.

შეგახსენებთ, რომ „ინტერპრესნიუსის“ ინფორმაციით, გენერალურ პროკურატურაში სახელმწიფო უსაფრთხოების სამსახურის ყოფილი უფროსი ვახტანგ გომელაური, მისი ყოფილი მოადგილე სოსო გოგაშვილი და სუს-ის ანტიტერორისტული ცენტრის ხელმძღვანელი ირაკლი ჩიმაკაძე დაიკითხნენ.

როგორც „ინტერპრესნიუსს“ ინფორმირებულმა წყარომ განუცხადა, გომელაურმა, გოგაშვილმა და ჩიმაკაძემ საგამოძიებო უწყებას ჩვენება პანკისში ჩატარებული სპეცოპერაციისას გარდაცვლილი თემირლან მაჩალიკაშვილის საქმეზე მისცეს.

შეგახსენებთ, რომ პანკისში სპეცოპერაცია, რა დროსაც თემირლან მაჩალიკაშვილი მოკლეს, 2017 წლის დეკემბერში ჩატარდა.

წინა პოსტი

„ამაზე უკადრებელი უკვე აღარ ვიცი, რა უნდა თქვას“ - რატი იონათამიშვილი ეკა ბესელიაზე

შემდეგი პოსტი

პროკურატურა „მუქარის წერილთან“ დაკავშირებით, საგანგებო განცხადებას ავრცელებს