მთავარი»საზოგადოება»„ჩამოხსენით ეგ ფრაზა თქვენი კედლებიდან, ნუ იმეორებთ შელოცვასავით, წყევლასავით!“

„ჩამოხსენით ეგ ფრაზა თქვენი კედლებიდან, ნუ იმეორებთ შელოცვასავით, წყევლასავით!“

32
გაზიარებები
Pinterest Google+

მწერალი შოთა იათაშვილი სოციალურ ქსელში წერს:

„როდესაც გოეთემ თავისი რომანი უიმედო სიყვარულზე – „ახალგაზრდა ვერთერის ვნებანი“ – გამოაქვეყნა, გერმანიას ცოტა ხანში სუიციდის ტალღამ გადაუარა. ცალმხრივი სიყვარულით დატანჯული ჭაბუკები თავს იკლავდნენ წიგნის პერსონაჟის მსგავსად. მაშინ გერმანიაში ეს წიგნი აიკრძალა, ამ მოვლენას კი „ვერთერის ეფექტი“ ეწოდა. მიზეზი ათასგვარი შეიძლება იყოს, უიღბლო სიყვარულით დაწყებული, სოციალურ-პოლიტიკური პრობლემებით დამთავრებული, მაგრამ ეს შემზარავი ტალღა ნებისმიერ შემთხვევაში ერთი წესით გორდება ხოლმე. და დღეს ჩვენ კვლავ ამ „ვერთერის ეფექტთან“ გვაქვს საქმე, და ასეთ სიტუაციაში იმ ტექსტის ბრუტალური ტირაჟირება, რომელიც ამ ქმედებისკენ უბიძგებს მოზარდების მოწყვლად ფენას, დანაშაულის ტოლფასია! ჩამოხსენით ეგ ფრაზა თქვენი კედლებიდან, ნუ ხდით ბრენდად, ნუ იმეორებთ შელოცვასავით, წყევლასავით! „ახალგაზრდა ვერთერის ვნებანიც” კი აკრძალეს რაღაც მომენტში გერმანიაში, რადგან ის მაშინ ადამიანებს ხოცავდა. გაწმინდეთ ეს ჰაერი მაგ ფრაზისაგან, თუ ახალგაზრდების ბედი გაღელვებთ. და ყველაფერი დანარჩენი მხოლოდ ამის მერე“,- წერს შოთა იათაშვილი

წინა პოსტი

„ყველგან გამოგყვები! საჩხუბრადაც, სალაპარაკოდაც, ვისთანაც გინდა მიგეგზავნები, ოღონდ თავის მოკვლაზე არ იფიქრო!“

შემდეგი პოსტი

ცოტნე გამსახურდია დაჭრეს